Manchester United yashinda Ngao ya Jamii

Kocha wa Manchester United David Moyes  August 11 2013 ameanza rasmi kazi yake kama kocha wa timu hiyo kwenye mechi ya ushindani baada ya kuiongoza timu hiyo kupata ushindi wa mbili bila kwenye mechi ya kuwania ngao ya jamii dhidi ya Wigan Athletic.
...ANGALIA PICHA NA MAGOLI...... HAPA

United ilipata magoli yake kupitia kwa mfungaji bora wa ligi kuu ya England kwa msimu uliopita Robin Van Persie ambae ndio alifunga hizo goli zote mbili ambapo club hii iliyoanza kuitwa Manchester United mwaka 1902 iliingia kwenye hii mechi bila mkali wao Wayne Rooney ambae hakuchaguliwa kwa sababu ni majeruhi.
Pamoja na hiyo sababu ya majeraha yake, bado ishu ya Rooney ndani ya Manchester United ni kama kitendawili.
Unaambiwa Manchester United ndio club ya kwanza England kushinda European Cup mwaka 1968 chini ya management ya Matt Busby.


Beki wa Manchester United ambae pia ni nahodha msaidizi wa timu hiyo Mfaransa Patrice Evra, alikuwa mchezaji bora wa mchezo huo baada ya kucheza kwa kiwango cha juu kwa kuchangia kwenye ufungaji wa goli zote mbili.
Taji la ngao ya Jamii linakuwa taji la kwanza kwa kocha mpya David Moyes tangu alipoteuliwa kurithi nafasi ya kocha wa zamani Sir Alex Ferguson mwishoni mwa msimu wa ligi uliokwisha ambapo Moyes ataanza rasmi kampeni ya utetezi wa ubingwa wa ligi kuu ya England kwa klabu yake wiki ijayo wakati Manchester United watakapokutana na Swansea City kwenye mechi ya kwanza ya ligi.

 Tazama magoli hapa:

 Umati wa mashabiki wa soka ukiwa unaingia ndani ya Uwanja wa Wembley jijini London, kuangalia pambano la Ngao ya Hisani kati ya Manchester United na Wigan Athletic, ambapo United imeshinda kwa mabao 2-0 yaliyofungwa na Robin van Persie (Picha kwa Hisani ya Gazeti la Daily Mail la Uingereza)

Man United (kulia) nma Wigan (kushoto), wakiwa wamejipanga kabla ya kuanza kwa pambano la Ngao ya Hisani kwenye dimba la Wembley jijini London. Mechi hiyo inayohusisha mabingwa wa Ligi Kuu na wale wa Kombe la FA, ni kiashiria cha ufunguzi wa msimu wa 2013/14 wa Ligi Kuu ya England.

Kwenye kiwango cha juu: Robin Van Persie aliifungia Man United mabao yote mawili (moja kila kipindi), kuipa timu yake ubingwa wa Ngao ya Hisani na ushindi wa kwanza kwa kocha mpya David Moyes aliyerithi mikoba ya Sir Alex Ferguson.

Bao la mapema: Robin van Persie akijitisha mpira kufunga kwa kichwa, kuipa Manchester United bao la uongozi katika dakika ya sita ya pambano holo Wembley.

Kikazi zaidi: Winga wa Manchester United, Atonio Valencia akimtoka beki wa Wigan, Jordi Gomez.

Raha ya ushindi: Nyota wa Man United wakishangilia bao la mapema la Van Persie kwenye dimba la Wembley.

Usajili mpya Old Trafford: Nyota mpya wa Man United, Wilfried Zaha, (kushoto) akichuana na mchezaji wa Wigan Athletic, James McClean.

Nakutoka hivi: Winga mpya wa Man United, Wilfried Zaha akichanja mbuga kumtoka Ben Watson.

Maelekezo ya makocha: David Moyes wa Man United (kushoto) na Owen Coyle wa Wigan Athletic, wakitoa maelekezo kwa wachezaji wao.

Natikisa hivi nyavu: Van Persie akiifungia Manchester United bao la pili kuipa ushindi wa mabao 2-0.

Mchuano dimbani: Beki wa Manchester United, Nemanja Vidic akichuana na Shaun Maloney wa Wigan Athletic.

Mbio dimbani: Beki Chris Smalling (kushoto) wa Man United, akishindana mbio kuwania mpira na McClean wa Wigan Athletic.

Bosi kazini: Kocha mpya wa Manchester United, Moyes akiongoza nyota wa kikosi chake katika mechi hiyo.

Majaribio GLT: Mwamuzi wa akiba, Michael Oliver akifanyia majaribio mfumo mpya wa Goal Line Technology (GLT), ulioanza kutumiwa katika mechi hiyo ya Ngao ya Hisani na kutarajiwa kutumiwa katika Ligi Kuu ya England.

Twenzetu!!! Mashabiki wakiingia Uwanja wa Wembley.