SENTENSI 6 KUHUSU TAARIFA YA MSANII MRISHO MPOTO KUTANGAZA KUGOMBEA UBUNGE.

Jumatatu february 4 2013 msanii Mrisho Mpoto alitangaza kwa mara ya kwanza kupitia AMPLIFAYA ya CLOUDS FM kwamba mwaka 2015 ataingia kugombea Ubunge kwenye jimbo lolote Tanzania ambalo mbunge wake analegalega.
Baada ya taarifa yake kusikika alipokea simu 80 zikiwemo 12 za wanasiasa pamoja na sm 400 kutoka kwa watu mbalimbali ambao wamempongeza na wengine wakimuuliza maswali huku wabunge wakiongea nae kuhusu kujiunga nao.
Namkariri akisema “ni wazo ambalo limetoka kwa wananchi wenyewe wakisema nadhani tumekosea kupeleka mwakilishi, nadhani mwakilishi wetu ni wewe kwa hiyo ile demand ya wananchi imekua kubwa, nikasema hapana sasa lazima niende mwenyewe.
Amesema “nimekua mwakilishi wa wananchi kwa muda mrefu upitia nyimbo zangu lakini watu hawataki kusikia wala kubadilika, tunapozungumzia maisha tunazungumzia madirisha manne, kuna dirisha la kwamba wananchi wanajua wewe hujui, la pili mwananchi anajua wewe hujui, la tatu mwananchi hajui na wewe hujui, la nne wewe unajua mwananchi anajua kwa hiyo dirisha hili wawakilishi wetu wamekua wakitumia vibaya sana wanafikiri wananchi hawajui wao ndio wanajua, ile dhana ya kuona wananchi hawajui ila wao ndio wanajua tunataka tukaionyeshe, tumezungumza sana” – Mpoto
“Hebu angalia mfano mzuri wa pale Mtwara, leo mpaka watu wanakufa mtu anasema siwezi kwenda kusaidia kule kwa sababu mimi mbunge wa jimbo lako, jimbo gani? wewe ni mbunge wa wananchi, unapokua mbunge ni mbunge wa Watanzania wote, watu hawataki kushughulika nao mpaka viongozi wanakuja kutoka huko ndio wanakwenda kule kuzungumza, haya mambo kama yanaweza kuzungumzwa yangetokea? alafu unasema amekufa mtu mmoja tu watu wawili? ile pia ni roho, ile pia ni damu, tumeshindwa kusikilizwa hapa tutasikilizwa tukiwa kulekule ndani ” – Mpoto

Mpoto amesema mpaka sasa anayo kadi ya chama japo hataki kutaja ni chama gani lakini ahadi yake ni kwamba ndani ya wiki chache zijazo atatangaza Exclusive kupitia AMPLIFAYA ni chama gani atakachogombea nacho huku akisisitiza kuwa wananchi wanahitaji vitu vitano tu ambavyo atavieleza wakati utakapofika.